FLOTHETTAN

04.06 2012

Vísindamenn hafa tengt jákvæðar niðurstöður af floti beint þeta (theta) heilabylgjunum en það er hið ómótstæðilega notalega ástand sem skapast rétt áður en við svífum inn í svefninn. Þegar alger ró færist yfir. Við getum líka þekkt þessa tilfinningu milli svefns og vöku á því að stundum kippist fólk við sem stafar að öllum líkindum af því að ákveðinn spennuþröskuldur rofnar. Þeta heilabylgjur merkja samkvæmt mælingum að lítil rafvirkni er í heila. Það sem er þó öllu forvitnilegra er að þeta heilabylgjur mælast gjarnan í vökuástandi munka sem eiga margra ára hugleiðsluþjálfun að baki.  Í þeta ástandi er líkt og við öðlumst skýra mynd af ölllu í kringum okkur og áreynslulaus skipulagsvinna getur átt sér stað. Við það að leyfa sér að fljóta reglulega má því segja að undirvitundin fljóti upp á yfirborið og nýtist okkur í daglega lífi.

 

 



Allt um magnaða kosti þess að láta sig fljóta:

Ein af stærstu gjöfum flotsins er þú getur náð stöðugu þeta ástandi á skömmum tíma. Það er því mjög líklegt að flot nýtist sérlega vel þeim sem eru í skapandi vinnu, t.d. eins og hönnuðum, rithöfundum, myndlistarmönnum, tónlistarmönnum, arkitektum og öðrum sem þurfa að tengja hugmyndir raunveruleikanum.

Aðrar rannsóknir (Rannsókn National Institute for Mental Health, University of Colorado) styðja að flot getur stuðlað að samþættingu milli hægra og vinstra heilahvels. Vinstra heilahvelið, sem er almennt ríkjandi í okkar lífi er praktískt og sundurgreinandi en það hægra skapandi og samþættandi, og jafnvel fært um að sjá sýnir fram í tímann. Flot jafnar flæðið og getur jafnvel eflt hugmyndaflæði og flýtt fyrir lausnum.

Háskólinn kenndur við bresku Kolumbíu í Vancouver hefur framkvæmt rannsóknir á tengslum íþróttaiðkunnar og flots. Geta körfuboltamanna var mæld fyrir og eftir flot. Og niðurstöðurnar voru að flotið hafði mælanleg jákvæð áhrif á frammstöðuna íþróttamannanna. Heilinn er nefnilega merkilegt fyrirbæri sem er fær um að framkalla flóknar en skýrar myndir sem við sjáum fyrir okkur. Framkvæmdir verða fyrst til í huganum og slóðin að þeim kallast náttúruleg endurgjöf. Þannig hefur Íþróttafólk í heimsklassa, maður eins og Carl Lewis, notfært sér flot til að framkalla myndir fyrir hugskotssjónum sér sem hann fylgdi svo eftir við íþróttaiðkun sína. Það er talið eitt að lykilatriðum þess að hann varð einn besti íþróttamaður allra tíma. Það að fljóta var hans galdur. 

Árangur flots má auðveldlega útskýra með einföldu og mælanlegu taugalífeðlisfræðilegu fyrirbæri. Við upphaf lífsins þegar það var markmið manneskjunnar að lifa af þurfti líkaminn að notast við adrenalín og kortisol í miklum mæli. Þessi streituhormón verða til undir áreynslu og álagi til að tryggja skjót viðbrögð okkar. Á fagmáli eru þetta kölluð “fight or flight” viðbrögð. Eftir því sem siðmenningin þróaðist minnkaði þörfin fyrir þessi streituhormóni en eftir situr að ofgnótt af þeim getur orsakað ýmis vandamál á borð við svefnvandamál, vanvirkt ónæmiskerfi, hjartavandamál, reiði, háan blóðþrýsting, þreytu og jafnvel krabbamein. Einn af ávinningum flotsins er að það dregur úr skaðlegum þáttum streituhormóna en ennþá betra er að við það að fljóta skapast rými fyrir innri líffæri okkar til að nýta hormón á borð við endorfín sem er hamingjuhormónið og beta-endorfín sem er hormón sem dregur úr sársauka og verkjum.

Fleira sem fljótandi hugleiðsla gefur af sér fyrir andlegt heilbrigði og taugakerfið er:

Dregur úr almennri streitu
Eykur sköpunarkraft
Dregur úr námsörðugleikum
Eykur einbeitingu
Bætir svefn og dregur úr eða eða jafnvel læknar síþreytu
Kemur jafnvægi á efnaskipti líkamans
Jafnar virkni hægra og vinstra heilahvels
Gefur innri ró og frið og minnkar löngun í það sem er okkur óhollt
Dregur úr þunglyndi og hræðslu
Dregur úr mígreni

Fljótandi hugleiðsla fyrir vöðva og vefi:

Fljótandi hugleiðsla nær til okkar dýpstu vöðva sem þýðir að hún dregur úr verkjum og bólgum í liðum, baki, hálsi og flýtir fyrir bata eftir t.d. tognun.

Linar margskonar óþægindi sem stafa frá hryggnum, eins og t.d. vegna klemmdra tauga.

Fljótandi hugleiðsla dregur úr sjúkdómum sem stafa frá innri líffærum:
Dregur úr vandamálum af völdum hjarta- og æðasjúkdóma.

Kemur jafnvægi á blóðþrýsting.

Eykur upptöku laktasa.

Eykur upptöku súrefnis.

Dregur úr öndunarfærasjúkdómum.

Minnkar líkur á heilablóðfalli og krabbameini.

Styrkir ónæmiskerfið.

SAMFLOT í samvinnu Systrasamlagsins, Float og Sundlaugar Seltjarnarness er að jafnaði í boði 2 x í mánuði í Neslaugunni yfir vetrartímann, á sunnudögum kl. 9.00. 

Verð á Flothettu og Fótafloti í Systrasamlaginu og netverslun okkar er 16.400 kr. Við hvetjum alla þá sem fjárfesta í flotgræjum að fara í laugarnar á kyrrari tímum og láta sig fljóta. Við mælum sérstaklega með vaðlauginni í Seltjarnarneslauginni á morgnanna. Þar er hlýtt og notaleg. Einnig frábært að nota í heitum pottum, heima hjá sér (ef fólk er svo lánssamt að eiga góðan pott) eða í bústöðum, að ekki sé talað um í laugum úti á landi.

Leiga á Flothettu:
Það er líka gaman að segja frá því að frá því að hægt er að fá leigðar Flothettur og fótaflot í Systrsamlaginu, frá mánudegi til laugardags. Og svona lítur það út:

PARTUR ÚR DEGI: Leiga á opnunartíma Systrasamlagsins, allt að þrír tímar:

Frá kl. 9.00 til kl. 16.00 (skila verður Flothettu fyrir kl. 17.30): Verð 1000 kr.

DAGSLEIGA: frá kl. 9.00, skil fyrir kl. 17.30. Verð: 1500 kr

SÓLARHRINGSLEIGA: Hægt að sækja frá. 9.00 og skila fyrir 17.30 daginn eftir. Verð: 2000 kr.

HELGARLEIGA: Frá föstudegi, skila fyrir hádegi á mánudegi. Verð: 2500 kr.

FLOTHETTAN & FÓTAFLOTIРfæst í Systrasamlaginu og í NETVERSLUN okkar og kostar settið 16.400 kr.

 


Vítamín & bætiefni

Eftir miklar vangaveltur ákváðum við systur að veðja á Viridian vítamín- og bætiefnalínuna. Það kemur aðallega til að því hversu vel sú lína er hugsuð og vönduð. Og líka vegna þess að flest þau efni sem hún inniheldur, eru ræktuð og unnið í landinu þar sem hún er framleidd, þ.e. í Bretlandi. Viridian er að miklu leyti úr vottuðu lífrænum jurtum og inniheldur engin fylliefni. 

Lesa meira

Möntru Armbönd

Möntru Armböndin eru einföld og elegant armbönd með fínlegu yfirbragði. En um leið djúpum undirtón í gefandi orðum og setningum sem minna á það besta sem lífið hefur fram að færa. Fallegt skart. Hvetjandi áminning. Veita sannarlega innblástur, næra, gefa, skreyta og fegra.

Lesa meira

 

Dr. Bach ilmvötn

Ilmvatn á sannarlega að vera gefandi í öllum skilningi, þótt því fari víðsfjarri í mörgum tilfellum. Nú má í fyrsta sinn hér á landi og í Systrasamlaginu EKTA ilmvatn unnið samkvæmt strangri franskri ilmvatnshefð með lífrænum innihaldsefnum, ilmvötn sem eru líka án eiturs og aukefna. Þau hafa nú þegar slegið í gegn í Systrasamlaginu. 

Lesa meira