UPPSELT 26. SEPT. Áhrif næringar og lífstíls á andlega og líkamlega heilsu.

verð:6.500 kr.

Uppselt

Við kynnum til sögunnar afar áhugavert tveggja tíma námskeið með viskubrunninum, næringarþerapistanum, kennaranum, umhverfisfræðingnum, jógakennaranum og leiðsögukonunni Heiðu Björk Sturludóttur í Systrasamlaginu 26. september frá 19- 21.
Á námskeiðinu sem ber yfirskriftina “Áhrif næringar og lífstíls á andlega og líkamlega heilsu” er m.a. ævi munnbitans rakin frá munni til þarma og ætlar Heiða sem sjálf hefur þurft að takast á við heilsufarsvandamál, bæði eigið og sonar síns, að fara yfir eftirfarandi á námskeiðinu:

-Melting og hvað þar getur farið úrskeiðis

-Heilsan býr í kviðnum

-Þarmaflóran og mikilvægi hennar

-Fjallað um það hvernig hægt er að gera við algengum kvillum s.s. uppþemu, brjóstsviða, harðlífi, liðabólgum, einbeitingarskorti, exemi og háþrýstingi

-Áhrif næringar og lífstíls á meltingu

-Hollustusmakk

-Öndunaræfingar kenndar og áhrif þeirra á heilsu

-Hugleiðsla og slökun kennd og smáforrit sem hægt er að nota verða kynnt

-Mætvæli sem mikið hafa verið í umræðunni: glúten, kúamjólk, sykur.

-Áhrif sólarljóssins og svefnsins á heilsu

Heiða hefur semsé sjálf glímt við heilsufarsvandamál þar sem næring, lífstíll og jóga hafa haft mikil jákvæð áhrif. Hún á son sem losnaði við Tourette´s taugaröskun á örfáum mánuðum með breytingu á næringu og lífstíl. Nokkrum árum síðar þegar hann veiktist aftur og læknar stóðu ráðþrota gagnvart verkjum og orkuleysi, náði hann bata með næringu og jóga. Trú Heiðu á áhrif lífsstíls og næringar er því tilkomin vegna eigin góðu reynslu en hún er líka menntuð í næringarþerapíu og mörgu öðru og hefur miklu að miðla.

Hér er stiklað á stóru um menntun Heiðu (en hún er í líka með meirapróf):
Nám hjá Jógasetrinu í Kundalini Yoga – Útskrift vor 2017
Næringarþerapía (Naturopathic Nutritional Therapy) – þriggja ára nám við Natural Healthcare College á Englandi – DipNNT 2016
Nám í efnafræði og líffræði – Canadian College of Naturopathic Medicine 2009
MA Umhverfisfræði – Universidad Carlos III – 2000
Leiðsögumannapróf – Leiðsöguskólinn í Kópavogi - 1996
BA Sagnfræði – Háskóli Íslands – 1995
 

Umsagnir um námskeið með Heiðu:

Heiða hefur smám saman verið að byggja upp sín frábæru námskeið: Þau sem hafa sótt þau hafa m.a. þetta um málið að segja.

,,Námskeið Heiðu er mjög fróðlegt og gagnlegt. Meira að segja fyrir mann sem taldi sig vera í góðum málum varðandi hollustu og næringu. Heiða fer yfir víðan völl og fléttar inní næringarfræðin hugleiðslu, djúpöndun og ýmsu fleira sem snertir andlega og líkamlega líðan. Hún er mikill viskubrunnur og endalaus uppspretta af skemmtilegheitum.”
-Marteinn Þórsson, kvikmyndagerðarmaður.

,,Námskeiðið var algjör snilld, vel sett upp og skemmtilegt. í því var undirstrikað hvernig vel samansett máltíð á að vera , hvað við getum gert til þess að tryggja góða meltingu bæði hvað varðar bætiefni og hugleiðslu. Mæli eindregið með því”.
-Sveinbjörg Rósa Sumarliðadóttir

Ps: Boðið verður upp á drykk og snakk á námskeiðinu í Systrasamlaginu 26. september.

Vítamín & bætiefni

Eftir miklar vangaveltur ákváðum við systur að veðja á Viridian vítamín- og bætiefnalínuna. Það kemur aðallega til að því hversu vel sú lína er hugsuð og vönduð. Og líka vegna þess að flest þau efni sem hún inniheldur, eru ræktuð og unnið í landinu þar sem hún er framleidd, þ.e. í Bretlandi. Viridian er að miklu leyti úr vottuðu lífrænum jurtum og inniheldur engin fylliefni. 

Lesa meira

Möntru Armbönd

Möntru Armböndin eru einföld og elegant armbönd með fínlegu yfirbragði. En um leið djúpum undirtón í gefandi orðum og setningum sem minna á það besta sem lífið hefur fram að færa. Fallegt skart. Hvetjandi áminning. Veita sannarlega innblástur, næra, gefa, skreyta og fegra.

Lesa meira

 

Dr. Bach ilmvötn

Ilmvatn á sannarlega að vera gefandi í öllum skilningi, þótt því fari víðsfjarri í mörgum tilfellum. Nú má í fyrsta sinn hér á landi og í Systrasamlaginu EKTA ilmvatn unnið samkvæmt strangri franskri ilmvatnshefð með lífrænum innihaldsefnum, ilmvötn sem eru líka án eiturs og aukefna. Þau hafa nú þegar slegið í gegn í Systrasamlaginu. 

Lesa meira