LÆRÐU AÐ HUGLEIÐA M/ THELMU & ÖSSA. 27. apríl

verð:7.500 kr.


Námskeiði frestað til mánudagsins 27. apríl vegna samkomubanns.

Thelma og Össi eru par og hrífandi persónuleikar. Áður en þau hittust fyrst (í Systrasamlaginu) höfðu þau bæði aflað sér menntunar sem jóga- og hugleiðslukennarar og það er ástríða þeirra beggja. Ferðalagið um jóga- og hugleiðsluheima hefur fært þeim margt sem þau vilja nú miðla á námskeiði á númer 2 í Systrasamlaginu sem ákveðið hefur verið að fresta til mánudagsins 27. apríl frá 18-20. (Átti að vera mánudaginn 30. mars frá 18-20.). Ath allir sem áttu pláss 30. mars eru velkomnir 27. apríl í staðinn.


Uppselt var á námskeið þeirra 24. febrúar og færru komust að en vildu. En nú er lag að mæta og læra nokkur grunnatriði hugleiðslu á skemmtilegu og áhugaverðu námskeiði.

Thelma Björk Jónsdóttir er með kundalini kennararéttindi, lærði jóga nidra og flotþerapíu og er samstarfsfélagi Systrasamlagsins um Sökun í borg. Thelma hefur haldið úti vikulegri og mjög vinsælli hugleiðslu í Systrasamlaginu undanfarin ár. En síðast en ekki síst hefur hún verið stjórnandi Morgunhugleiðslunnar á Rás 1.
 

Össi Árnason er fyrrverandi sjómaður og núverandi kvikmyndagerðamaður. Hann fór til Indlands og lærði jógakennarann og hefur seinasta áratug haft brennandi áhuga á andlegum og líkamlegum málefnum.

Á hugleiðslunámskeiðnu deila Thelma og Össi 4 áhrifaríkum hugleiðsluaðferðum og öndunaræfingum sem hvetja okkur öll til að gera hugleiðslu sem hluta af daglegu lífi okkar.

Innifalið er:
- Innblástur og kraftur inn 2020.
- Aðgangur að lokuðum Facebook-hópi með áframhaldandi innblæstri
- Boðið verður upp á nærandi jurtadrykk og snarl og óvæntan glaðning.


Námskeiðið kostar 7500 kr og sala á plássum fer fram á systrasamlagid.is
 

Hér eru nokkur dæmi um áhrif hugleiðslu á tilfinningar og veikindi/sjúkdóma:

Áhrif á tilfinningar:
Þú hættir að ofhlaða og setja tilfinningar í allar hugsanir þínar.
Meiri ró og vellíðan

Þú veitir athygli aðstæðum sem geta valdið streitu og þannig komið í veg fyrir þær.

Þú getur degið þig í hlé í erfiðum aðstæðum.

Áhrif hugleiðslu á sjúkdóma/ veikindi:
Hugleiðsla hentar ekki síður þeim sem eru að fást við líkamleg en andleg óþægindi og í sumum tilfellum veikindi eða sjúkdóma. Sumir líkamlegir sjúkdómar eru nefnilega þannig að þeir versna undir andlegu álagi. Í dag styðja fleiri og fleiri vísindalegar rannsónir góð áhrif hugleiðslu á líkamleg veikindi, þótt ennþá séu vísindamenn sem telja að ekki sé hægt að draga miklar ályktanir enn sem komið er. Með það í huga hafa vísindalegar rannsóknir sýnt að hugleiðsla dregur úr:

Kvíðaröskun

Asma

Hliðarverkunum krabbameina

Þunglyndi

Hjartasjúkdómum

Verkjum

Svefnvandamálum

Þó ber að hafa í huga að hugleiðsla læknar ekki þessi veikindi/sjúkdóma en gagnast sannarlega við að draga úr óþægilegum einkennum þeirra.