UPPSELT. TAROT, TALNASPEKI, KRISTALLAR & CACAÓ 11/11

verð:9.800 kr.

Uppselt

UPPSELT ER Á NÁMSKEIÐIÐ. BENDUM Á FRAMHALDSNÁMSKEIÐ: KAFAÐ OFAN Í ÖRLAGASPILIN. TAROT OG TALNASPEKI MEÐ TINNU TORLACIUS 22. NÓV.
Skammdegið er tíminn til að leggja spilin á borðið, skoða talnaspekina og orkuna sem umlykur okkur og leyfa réttu kristöllunum að koma til okkar. Þetta tengist allt þegar grannt er skoðað. Mánudaginn 11. nóvember frá 18-20 ætlar Guðrún Tinna Thorlacius að halda töfrandi námskeið þar sem allt þetta kemur við sögu.

Guðrún Tinna sem er kvenna fróðust um tarot og talnaspeki, hefur haldið mörg skemmtileg námskeið í Systrasamlaginiu og vinsæl spákonusíðdegi. Tinna, eins og hún er kölluð, fer yfir ýmsar aðferðir við túlkun tarot spilanna og miðlar visku þeirra og tengir við orku kristalla.

Þessi spennandi stund er sniðin fyrir byrjendur og þá sem eitthvað þekkja inn á tarotspil, en þarfnast æfingar og hugrekkis til að byrja að nota þau. Talnaspekin tengist tarotspilunum og gefur okkur innsýn í þá orku sem er til staðar þegar við fæðumst og þau áhrif og orku sem við stöndum frammi fyrir einmitt nú.

Það er ekki síður áhugavert að skoða hver þinn kristall er þetta árið. Í hvaða orku vinnur þú vel núna? Hvaða kristall hjálpar þér?

Farið verður almennt yfir tarotspilin og tölur hvers og eins verða hins vegar túlkaðar í stuttu máli (það er því nauðsynlegt að hver og einn þátttakandi sendi okkur fæðingadag sinn fyrirfram).

Punkturinn yfir i-ið er að boðið verður upp á kakó (cacao) úr regnskógum Gvatemala.

Ps: Í tilefni þessarar skemmtilegu stundar verður annars 20% afsláttur af kristöllum í Systrasamlaginu og 10% af öðrum vörum.

Meira um Tinnu:
Tinna er hómópati og ACC alþjóðlega vottaður markþjálfi og hefur unnið ötullega að markþjálfun einstaklinga og hópa undanfarin ár. Hún hefur einnig haldið fjölda námskeiða sem tengjast markþjálfun, heilsu og eflingu andans.