TAROT, TALNASPEKI & LJÚF CACAÓDRYKKJA

verð:9.900 kr.


2020 er árið til að töfra fram tarotspiln, skoða talnaspekina og spá í orkuna sem er undir og yfir og allt um kring. Fimmtudaginn 6. febrúar frá 18:15 til 20:30 ætlar Guðrún Tinna Thorlacius að halda námskeið í Systrasamlaginu þar sem allt þetta kemur við sögu (og jafnvel meira til).

Guðrún Tinna sem er kvenna fróðust um tarot og talnaspeki, hefur haldið mörg skemmtileg námskeið í Systrasamlaginiu og vinsæl spákonusíðdegi. Tinna, eins og hún er kölluð, fer yfir ýmsar aðferðir við túlkun tarot spilanna og miðlar visku þeirra og tengir við orkuna árið 2020.

Þessi spennandi stund er sniðin fyrir byrjendur og þá sem eitthvað þekkja inn á tarotspil, en þarfnast æfingar og hugrekkis til að byrja að nota þau. Talnaspekin tengist tarotspilunum og gefur okkur innsýn í þá orku sem er til staðar þegar við fæðumst og þau áhrif og orku sem við stöndum frammi fyrir einmitt nú.

Farið verður almennt yfir tarotspilin og tölur hvers og eins verða hins vegar túlkaðar í stuttu máli (það er því nauðsynlegt að hver og einn þátttakandi sendi okkur fæðingadag sinn fyrirfram).

Punkturinn yfir i-ið er að boðið verður upp á kakó (cacao) úr regnskógum Gvatemala.

Ps: Í tilefni þessarar skemmtilegu stundar verður annars 10% afsláttur af tarot spilum í Systrasamlaginu.

Meira um Tinnu:
Tinna er hómópati og ACC alþjóðlega vottaður markþjálfi og hefur unnið ötullega að markþjálfun einstaklinga og hópa undanfarin ár. Hún hefur einnig haldið fjölda námskeiða sem tengjast markþjálfun, heilsu og eflingu andans.