SYSTRASAMLAGIÐ FLYTUR 4. MARS

31.01 2017

“Já, það styttist óðum í flutninga Systrasamlagsins. Við munum þreyja Þorrann og flytum búferlum af Nesinu þegar Góan stendur sem hæst ,” segir Guðrún Kristjánsdóttir önnur systranna í Systrasamlaginu. Semsé Systrasamlagið er að flytja af Seltjarnarnesinu á Óðinsgötu 1. Flutningur af Nesinu er 4. mars og áætlað er að Óðinsgata 1 opni formlega 11. mars.


Eins og flestum er kunnugt um hefur Systrasamlagið, vinsæl verslun og kaffihús á Seltjarnarnesi undanfarin 3 og ½ ár 1, ekki fengið nema árs lóðaleigusamning frá Seltjarnarnesbæ í einu þrátt fyrir lengst af einlægan vilja um að byggja sig upp þar bæ. Meirihluti bæjarins vill rífa húsið til að geta byggt bílastæðahús:
 “Bænum varð ekki þokað.  Við fengum síðast afdráttarlaust svar um það frá bæjarstjóra í ágúst sl. Þá var fátt annað í stöðunni en að hugsa sér til hreyfings og byggja Systrasamlagið upp annars staðar, “ bætir Jóhanna Kristjánsdóttir, eða hin systirin við.
Systurnar segjast hæstánægðar með nýja húsnæðið við Óðinsgötu 1, það sé bæði gullfallegt og staðsetningin góð. Um er að ræða 90 fermetra með fallegum garði sem tekinn verður í notkun með vorinu. Um þessar mundir eru systurnar að leggja lokahönd á nýja Systrasamlagið og bíða eftir tilskyldum leyfum.
“Við höfum stundum verið spurðar um hvort við séum á leið í túrismann og verðum alltaf jafn hissa. Svar okkar er nei. Við erum ekkert sérstaklega á leið í þann bransa. Við ætlum bara að njóta þess að vera áfram með sama konseptið, þ.e. lífrænt, jóga, flot og gæði innan um mikið af áhugaverðu fólki. Vonandi af sem flestum þjóðernum og úr öllum bæjarfélögum.  Og ef Seltirningar, sem við munum sakna mjög mikið, vilja gerast túristar í Reykjavík standa dyr Systrasamlagsins Óðinsgötu 1 alltaf opnar. Hver veit svo nema að við höldum Seltirningamót á Óðinsgötunni?,” segir Guðrún.
“Við viljum nota tækifærið og þakka þeim sterka kjarna sem myndaðist í kringum Systrasamlagið á Nesinu sérstaklega fyrir okkur.  Þetta hefur verið frábær tími. Í okkar huga eru viðskipti fátt annað góð samskipti, “segja systurnar.

 

 

 

 

 


Vítamín & bætiefni

Eftir miklar vangaveltur ákváðum við systur að veðja á Viridian vítamín- og bætiefnalínuna. Það kemur aðallega til að því hversu vel sú lína er hugsuð og vönduð. Og líka vegna þess að flest þau efni sem hún inniheldur, eru ræktuð og unnið í landinu þar sem hún er framleidd, þ.e. í Bretlandi. Viridian er að miklu leyti úr vottuðu lífrænum jurtum og inniheldur engin fylliefni. 

Lesa meira

Möntru Armbönd

Möntru Armböndin eru einföld og elegant armbönd með fínlegu yfirbragði. En um leið djúpum undirtón í gefandi orðum og setningum sem minna á það besta sem lífið hefur fram að færa. Fallegt skart. Hvetjandi áminning. Veita sannarlega innblástur, næra, gefa, skreyta og fegra.

Lesa meira

 

Dr. Bach ilmvötn

Ilmvatn á sannarlega að vera gefandi í öllum skilningi, þótt því fari víðsfjarri í mörgum tilfellum. Nú má í fyrsta sinn hér á landi og í Systrasamlaginu EKTA ilmvatn unnið samkvæmt strangri franskri ilmvatnshefð með lífrænum innihaldsefnum, ilmvötn sem eru líka án eiturs og aukefna. Þau hafa nú þegar slegið í gegn í Systrasamlaginu. 

Lesa meira