MÖNTRU MORGNAR Á MIÐVIKUDÖGUM Í MAÍ

28.04 2018

Eftir magnaðan vetur ætlar Slökun í borg, fyrir alla, að taka lokahnykkinn á einstaklega fallegu verkefniog efna til Möntru-miðvikudagsmorgna í maí í Systrasamlaginu, þ.e.  daganna 2., 9., 16., 23. og 30. maí.  Aðgangur er ókeypis og allir eru velkomnir.

Thelma Björk jógakennari leiðir okkur í gegnum nýja möntru/ hugleiðslu á hverjum miðvikudegi kl. 9.15 til 9.45, möntru sem við getum tekið með okkur út í hversdaginn og nýtt okkur til góðs.

Hvað er mantra / hugleiðsla?
Mantra / hugleiðsla gengur fyrst og fremst út á að beisla streymi óstýrlátra hugsanna sem geta haft áhrif á andlega burði okkar, stíflað hugarflæði okkar og valdið streitu. Í búddismanum er gjarnan talað um apaheilann sem dæmi um hvernig óstýrlátar hugsanir mannsheilans geta hegðað sér, nánast án þess að við fáum nokkuð við ráðið. Líkt og þær hoppi og skoppi á milli trjágreina og unni hvorki sér (huganum) né okkur (líkamanum) hvíldar.

Með regulegri hugleiðslu getur fólk gert ráð fyrir því að andleg og líkamleg vellíðan aukist.  Mjög líklegt er að hugleiðsla færi ekki bara ró og frið heldur líka tilfnningalegt jafnvægi.  Það kemur okkur ekki bara til góða rétt á meðan við hugleiðum heldur hefur reglubundin hugleiðslu áhrif á daglegt líf okkar. Iðkun hugleiðslu er afar líkleg til að tappa af yfirfullum huganum sem kann að valda okkur streitu frá degi til dags.

Smellið hér á til að sjá nokkur dæmi um áhrif hugleiðlu á tilfinningar og veikindi/sjúkdóma. 

SLÖKUN Í BORG, fyrir alla, samstarfsverkefni Thelmu Bjarkar jógakennara og Systrasamlagsins og er styrkt af Reykjavíkurborg.