GOTT & BLESSAÐ. Myndlistarsýning Kristínar Dóru stendur til 15. ágúst

Fáar ef nokkur sýning í Boðefnagallerýi Systrasamlagsins vakti viðlíka athygli og sýning myndlistarkonunnar Kristínar Dóru Ólafsdóttir, Leit að ljósi, sem yljaði mörgum Systrasamlaginu árið 2020 og seldist upp á skömmum tíma.

Nú horfir allt til betri vegar og við fáum aftur þessa frábæru listakonu í Systrasamlagið með spánný verk. Sýningin sem nefnist Gott & blessað ber merki um að hugarástandið hafi breyst; blómin spretta og orðin eru önnur.

Sýningin opnaði á ∞ ára (8 ára) afmælisdegi Systrasamlagsins 15. júní.

Sýningin stendur til 15. ágúst og geta gestir Systrasamlagsins gætt sér á fallegum myndum og orðum Kristínar Dóru þangað til. Verkin eru líka öll til sölu.

Gott & blessað er 8. einkasýning Kristínar Dóru sem útskrifaðist úr Myndlist í LHÍ árið 2017. Hún býr og starfar í Reykjavík.